Si Tera Abou
Skucha mi un ratu
Si tera abou por a bisa mi" a originá rondó di dia 25 di Novèmber 2015 ku tabata komienso di un kampaña di Nashonnan Uni pa Stòp Violensia kontra Hende muhé I ku a dura te ku 10 di Desèmber 2015, dia Internashonal di Derechinan Humano.
E título ta parti di un dicho ku mi wela defuntu a yega di bisa mi mama. E ta papia pa su mes. Pero segun mi mama e no ta kompletu, falta un pida mas…….!
Mi no ta wòri ku falta un pida!
SI TERA ABOU POR A BISAMI………
Di Víktima pa sobrebibiente
Loke mi mester a soportá tabata asina fuerte ku bandoná Kòrsou den silensio tabata mi úniko opshon. Ma bai laga e Isla kaminda ma nanse I ku mi tabata stima asina tantu, ku hopi rabia I duele. Mi a bai ku mi yunan ku deseo pa no regresá mas.
Pero e Dios di Abraham Isaac I Jacob a sòru na su manera pa mi regresá I pa mi restourashon kuminsá na kas, na Kòrsou….!
Komo víktima ta normal ku bo ta skonde pa bo agresor, pero ami no por a skonde. Mi no tabata ke pa niun hende sa ku ma yega di eksistí, pero mi tabata wòrdu kòrda! Mi tabata sinti mi bon, naturalmente no perfekto pero ku balor propio, pero ma pèrdè mi outo-estima. Ma hasta pèrdè deseo pa biba. Den diferente kombersashon ku Dios ma puntra, pakiko mi mester sigui biba???
Mi Preguntanan……
Lo mi lo a kasa?
Lo mi a haña yu?
Lo mi a soportá abusu asina largu, òf lo mi a sali for di e situashon mas lihé?
Lo mi a skohe pa papia òf pa keda ketu?
Apesar di mi preguntanan, orashon i lamento, mi fe den Dios a judami surpasa e temporada largu i difisil.
Speransa
E pesadia aki a hasi mi mas sensibel, i mi fe den Dios mas grandi! Ela judami korda ku mi no ta perfekto.
Ma bira outor di mi promé buki “Blessed Through homelessness” tambe mi promé obra "Penny" .
Ni maske kiko ku pasa, Lanta riba pasombra,
SI TERA ABOU POR A BISA BU……kisas lo bo por a hasi otro!
No lubida ku, avion semper ta lanta su vuelo kontra bientu. HAMAS ENTREGA………………..!
Pero esnan ku konfia den SEÑOR ta haña forsa nobo kada be; nan lo bula altu manera águila. Nan ta kore sin kansa nan ta kana sin pèrdè rosea.
Isaias 40:31